忽然變單眼仔~

Mo 仔：今日早上起身時，媽媽發現我的右眼經常眨眨吓，有時仲擘唔大，而且仲有啲紅筋。佢呢位緊張大師就即刻打電話去獸醫，睇吓今日可唔可以約見醫生。好彩 book 到位，所以爸爸媽媽食完早餐就帶我去睇醫生喇！

由於今日係星期日，所以診所內特別多人啊！未見醫生前，姑娘先幫我磅一磅重...... 噢，又輕咗少少，有 8.2kg。


等咗差不多一小時後，我終於可以見 Dr. Ma 喇！首先媽媽將今朝早我的單眼仔相片俾醫生睇，並講解番最近我的生活情況；之後醫生滴顯影劑來檢查我的雙眼，再滴多一支藥水來檢查我的右眼眼角膜。經過檢查後，醫生話我右眼的眼角膜沒有問題，但右眼受到細菌感染，患了結膜炎，只要這五天定時食藥和滴眼藥水，同埋要帶住喇叭罩以防我捽眼仔，就會好快好番喇！

 













因為我眼仔唔舒服，Dr. Ma 千叮萬囑我呢兩個星期唔好去游水住，而我媽媽仲話呢一星期唔俾我去街街啊！咁我唯有乖乖地留喺屋企涼冷氣休息啦！