輕輕鬆鬆星期六

Mo 仔：今日係星期六，天氣十分之好，藍天白雲好靚啊！




















Mo 仔：原本媽媽提議帶我去彭福玩，但爸爸話呢兩日工作好忙，佢話想趁 weekend 休息吓，所以佢哋帶我落街曬太陽，輕輕鬆鬆地周圍行吓。
計我話，其實只要爸爸媽媽陪喺我身邊，去邊度都冇所謂啦！


















Mo 仔：今日唔單止好好太陽，仲好大風添！




















Mo 仔：同我放電之後，就輪到佢哋兩老落街去拍拖 hea 吓！

Mo 仔：因為爸爸媽媽好怕去人多擠迫的地方，所以佢哋話放假落街行吓 hea 吓，已經好開心滿足。其實開心可以係好簡單。

玩到唔停口

我家的小朋友今晚好興奮，整晚好開心好專心地玩著他至愛的骨骨玩具。


Mo 仔，現在已經係夜深，你仍然玩到唔停口啊！
其實屋企都冇人同你爭，你仲咩咬實個骨骨玩具呀？不如你放低個骨骨，飲啖水休息吓啦！

梳化好好瞓

Mo 仔：最近天氣開始轉涼，所以我都好醒目，小休時唔瞓地下，轉為瞓梳化。

Mo 仔：計我話...... 天氣涼浸浸，梳化好好瞓。嘻嘻！

Mo 仔：爸爸形容我呢個睡姿叫 "Super Mo"！哇哈哈！

Mo 仔：媽媽，我瞓得咁冧咁舒服，你仲乜又玩偷影嘈醒我呀！哼～