Merry Christmas!

 

我 Mo 仔祝大家：

Merry Christmas !!

 

聖誕快樂！

 

 

一年一次打針針

Mo 仔：話咁快就一年喇！今日係我一年一次打預防針和身體檢查的日子．

媽媽話小朋友去睇醫生都好驚驚，佢唔明白我點解睇醫生都開心到笑騎騎呢？

因為我皮膚和眼仔早前有少少問題，所以今次媽媽順道叫醫生幫我檢查．醫生話我皮膚有少少酵母菌和眼仔有乾眼症，因此要食藥和滴眼膏來治療．


之後醫生幫我抽血做全身檢查，報告結果一切正常，體重都 ok (8.25 kgs)，爸爸媽媽聽到都放心哂！
打咗預防針後，醫生幫我檢查骨骼時，佢話我後腳的左小腿和右膝蓋的關節有好輕微的"咯咯" 聲，故提議我要食關節丸來補充葡萄糖胺，強化關節．媽媽話為咗我健康著想，要聽醫生話食 supplement．最緊要健康嘛！

我愛彭福

Mo 仔：今日係中國氣節的小雪，但天氣一啲都唔凍，仲好好陽光，有涼風吹送，實在係郊遊的好日子，所以爸爸媽媽今日一早就帶我去彭福公園跑跑跑！

 

Mo 仔：一去到彭福，我真係超開心到呢...... 成隻小電兔咁，喺草地上開心奔放地跑呀跑！

 

Mo 仔：我真係好鍾意去彭福，因為可以喺好彈好靚的草地上自由跑．

 

 

 

Mo 仔：跑咗一陣，我要唞一唞，吹吹風，曬吓太陽．

Mo 仔：見到我跑得咁開心笑哂口，就知道我真係好鍾意嚟彭福跑草地啦！嘻嘻！

 

 

 

 

 

Mo 仔：嘻嘻，跑得咁開心，都係時間休息吓！

 

 

Mo 仔：有得跑，又有爸爸抱抱俾我嗲吓，真係好滿足呀！

 

我係 Mo 教授.

Mo 仔：大家好，我係 Mo 教授，Professor Mo．請多多指教！

立冬後的週日

Mo 仔：話咁快就踏入十一月，上星期五已經立冬喇，點解仲係落雨呢？
太陽伯伯，你去咗邊度呀？

雖然這個週日天陰陰，但係我都要落街吹吹風！

懶可愛樣 vs 寸咀樣～

懶可愛樣 vs 寸咀樣．
大家鍾意邊個樣呢？

兩兄弟齊賀九歲生日

今日我和 Jack Jack 一齊慶祝九歲生日，我哋兩兄弟玩得食得好開心呀！


Mo 仔：我哋兩位媽媽特別幫我哋兩兄弟，分別訂做好得意的生日蛋糕呀！


















(左) Jack Jack + (右) Mo 仔：我們兩兄弟係今日的主角，當然要齊齊影張合照啦！

 




呢個係我 Mo 仔的生日蛋糕。

而呢個就係 Jack Jack 的生日蛋糕。

Mo 仔：Jack Jack 的生日蛋糕都好靚啊，唔單止個狗狗公仔好似 Jack Jack，而且蛋糕上面有好多公仔，好特意呀！

Mo 仔：嘻嘻，等我都近距離睇吓我的生日蛋糕，睇吓隻狗狗公仔似唔似我？

開心的九歲生日

今日係我 Mo 仔的九歲生日，又大一歲喇！

我真係好開心呀！因為媽媽特別替我訂做一個好得意的生日蛋糕來慶祝我生日。
爸爸媽媽話，最緊要係我要健健康康，開開心心，日日都食得瞓得玩得。


Mo 仔：嘻嘻，我要同呢個咁靚咁得意的蛋糕影張相。

Mo 仔：咦～ 睇真啲，蛋糕上的狗狗公仔咁似我嘅？

Mo 仔：蛋糕唔單止有個好似我的狗狗公仔，仲有媽媽好鍾意的叮噹公仔添！呢個生日蛋糕咁靚，一定好好味的。嘻嘻！

忽然變單眼仔~

Mo 仔：今日早上起身時，媽媽發現我的右眼經常眨眨吓，有時仲擘唔大，而且仲有啲紅筋。佢呢位緊張大師就即刻打電話去獸醫，睇吓今日可唔可以約見醫生。好彩 book 到位，所以爸爸媽媽食完早餐就帶我去睇醫生喇！

由於今日係星期日，所以診所內特別多人啊！未見醫生前，姑娘先幫我磅一磅重...... 噢，又輕咗少少，有 8.2kg。


等咗差不多一小時後，我終於可以見 Dr. Ma 喇！首先媽媽將今朝早我的單眼仔相片俾醫生睇，並講解番最近我的生活情況；之後醫生滴顯影劑來檢查我的雙眼，再滴多一支藥水來檢查我的右眼眼角膜。經過檢查後，醫生話我右眼的眼角膜沒有問題，但右眼受到細菌感染，患了結膜炎，只要這五天定時食藥和滴眼藥水，同埋要帶住喇叭罩以防我捽眼仔，就會好快好番喇！

 













因為我眼仔唔舒服，Dr. Ma 千叮萬囑我呢兩個星期唔好去游水住，而我媽媽仲話呢一星期唔俾我去街街啊！咁我唯有乖乖地留喺屋企涼冷氣休息啦！ 

晨早去游水

週六天氣晴朗，爸爸媽媽晨咁早就帶我去沙灘游水喇！

但唔知點解，今日我的游水意欲麻麻地，再加上水質麻麻，較為多垃圾，所以我都只係衝吓浪，游咗一陣就返屋企沖涼喇！

希望下次沙灘嘅水質好啲，等我游得開心啲啦！

2014 世界杯

2014 巴西世界杯，今日正式開鑼喇！ Go Go Goal！

2014年下水禮

俗語話："未食五月糭，寒衣未入籠"。雖然仲有兩日先到端午節，但呢個星期又熱又曬，天文台差不多日日都發出酷熱天氣警告，今年的夏天好似來得特別早啊！

既然冇落雨，又咁好天氣，對於我呢個飛魚小王子 Mo 仔嚟講,夏天的最佳活動當然係游水啦！

趁今日星期六天氣咁好，爸爸媽媽一早就帶我去沙灘來個 2014年下水禮，順便叫我游龍舟水。Yeah！


Mo 仔：今日天氣真係好，早上唔算太熱，仲見到藍天白雲呀！

Mo 仔：見到我開心到瞇哂眼，就知道我幾咁鍾意游水啦！哈哈！

Mo 仔：今日啲水質唔錯，但好多垃圾飄浮呢！我真係希望人人都愛護海港，唔好亂拋垃圾。

Mo 仔：哈哈，飛魚小王子嚟喇！

Mo 仔：爸爸媽媽讚我今日表現唔錯，游到咁上下識得游返上岸休息吓。

Mo 仔：啲水咁清涼，等我唞一唞浸浸腳。

Mo 仔：浸浸腳，真係透心涼！

Mo 仔：媽媽話我呢張相好搞笑，話我個樣好似 snoopy 喎！哈哈！

Mo 仔：今日我游得好開心呀！希望呢個夏天見太陽伯伯多啲，咁我就可以去游水啦！

週未好心情

最近日日都落雨，有時仲落到好大雨，又行雷閃電，搞到我冇得去街街！

點知今日一起身見到久違了的太陽伯伯終於出來喇，爸爸媽媽當然即刻帶我落街啦！但今日真係好熱，我哋行咗一陣，我家兩老都熱到出哂汗，而我就熱到要趴喺地上唞一唞，所以最後只係行咗一個圈，就急急腳快回家嘆冷氣啊！


Mo 仔：難得好天氣，當然要出嚟曬太陽啦！

Mo 仔：媽媽，你影夠未呀？我好熱呀！

Mo 仔：我愛游水，也愛望海。

Mo 仔：好耐冇見的藍天白雲呀！

Mo 仔：行到熱熱地，爸爸抱抱我，爽呀！