今日係普天同慶的聖誕節。
我 Mo 仔祝大家：
Merry Christmas & Happy New Year!!
2013年12月25日 星期三
2013年12月16日 星期一
未到聖誕，我已興奮！
Mo 仔：咦，呢棵聖誕樹咁靚嘅？
Mo 仔：媽媽，呢棵咁靚嘅聖誕樹，係邊個送o架？係咪送俾我o架？
Mo 媽：係 Jack Jack 媽送俾你的聖誕禮物呀！呢棵聖誕樹入面有佢親手整嘅 home-made cookies 俾你食o架！
Mo 仔：Jack Jack 媽，我超鍾意呢份聖誕禮物呀！我仲催媽媽唔好掛住影相，快啲幫我拆開呢份禮物，將你的愛心餅餅俾我食呀！
2013年12月14日 星期六
一年一次打針針
Mo 仔：今日天氣麻麻，但爸爸媽媽朝早就帶我出去，究竟去邊度呢？
啊～ 原來今日唔係去玩，而係去診所打一年一度的預防針。
Mo 仔：雖然去診所，但我都唔驚驚，仲開心到笑騎騎，而且對診所嘅醫生護士，以及候診嘅狗狗兔兔同佢哋嘅主人好熱情添。
等候期間，爸爸媽媽仲同其他主人互相交流養狗心得，仲傾得好開心添。
Mo 仔： 打針前 Dr. Ma 幫我檢查身體，話我 everything ok，體重有 9.15kg。
打完防疫針後，媽媽問醫生，以我八歲嘅年紀，係咪應該要抽血做一個詳細的身體檢查，醫生建議可以做，仲話抽血後大約半小時有報告出。為咗我的健康著想，爸爸媽媽決定要醫生幫我抽血做檢查。
而我個"騰雞"媽媽，佢一聽到醫生話要剃少少毛先可以幫我抽血，有少少擔心。媽媽，我打針都唔驚，醫生只係幫我剃少少毛抽血之嘛，妳駛咩咁擔心啊！
抽血後，護士將笑口騎騎嘅我交返俾爸爸媽媽。我哋喺診所等咗大約半小時，醫生同爸爸媽媽講解我份報告結果，話我一切正常，我家兩老都放心哂，最緊要健康嘛！
2013年11月23日 星期六
2013年11月21日 星期四
2013年11月17日 星期日
2013年10月19日 星期六
秋高氣爽遊彭福
Mo 仔：爸爸媽媽最近工作非常忙碌，都想趁週末留家休息；但佢哋話今日天氣咁爽，簡直係郊遊的好日子，於是佢哋決定今日唔做宅男宅女，一於帶我出去玩吓，齊齊輕鬆吓。
雖然今日都係去彭福玩，不過我唔會覺得厭o架！因為我真係好鍾意跑草地。媽媽仲話呢張相影得我好可愛呢！
Mo 仔：其實彭福真係狗狗的開心樂園，因為有一大片草地，可以俾我哋自由跑。
Mo 仔：跑咗一陣，係時候扮乖乖影吓相喇！
Mo 仔：涼風吹送，爽呀！
Mo 仔：媽媽話我個樣駛唔駛咁冧呀？哈哈！
Mo 仔：今日彭福的大部份草地，都唔係咁綠咁密咁有彈性，唔知係咪因為要換草地呢？
Mo 仔：不過唔緊要，對我嚟講，最緊要有得在草地上自由跑。
Mo 仔：爸爸見到我喺呢片綠色草地跑得特別開心，所以佢哋就幫我狂影相。
Mo 仔：爸爸話今日我好痴到媽媽喎！嘻嘻，計我話佢呷醋就真！
Mo 仔：玩咗咁耐，要唞一唞先得。
Mo 仔：媽媽話呢張相的我，好 bb 樣好得意啊！
Mo 仔：去到中午時份開始曬，所以我都係選擇趴喺草地休息吓！
Mo 仔：而家開始有啲熱，不過如果有杯冰凍的飲品，再加上美味的小食，咁就係 very good 喇！
Mo 仔：嘻嘻，睇到我呢個開心的表情，就知道我好滿意今日的節目啦！
2013年10月13日 星期日
2013年10月8日 星期二
我們一起八年喇!
感謝八年前的今天，讓我與 Mo 仔有緣地遇上。
當日我們相遇的情景，至今我仍記憶猶新。
這八年的時間過得真快，
儘管 Mo 仔你面上的白毛毛也漸漸多了，
但你那調皮愛玩的性格從沒改變。
在我和爸爸的心目中，
你仍是一個開朗，愛笑愛撒嬌的小朋友，
將無限的歡樂和愛意帶給這個家。
Mo 仔，我的心肝寶貝，
有著你成為我家的一份子，
確實是我和爸爸的福份。
爸爸媽媽繼續將最好的給你，
令你每一天都過得健康幸福開心，
天天都吃得玩得睡得。
往後的每一年，
Mo 仔你要繼續和我們健康快樂地一起過呀！
我超級鍾意的相片 - 粉紅腳板仔 + 傻更更的樣子，超可愛呀！
Mo 仔，就是你那對迷人的眼神，成功地俘虜媽媽的心。
雖然已經八歲了，但 Mo 仔依然是一個愛玩愛吃，經常開心笑的小狗仔。
訂閱：
意見 (Atom)