一年一次打針針

Mo 仔：今日天氣麻麻，但爸爸媽媽朝早就帶我出去，究竟去邊度呢？
啊～  原來今日唔係去玩，而係去診所打一年一度的預防針。

Mo 仔：雖然去診所，但我都唔驚驚，仲開心到笑騎騎，而且對診所嘅醫生護士，以及候診嘅狗狗兔兔同佢哋嘅主人好熱情添。
等候期間，爸爸媽媽仲同其他主人互相交流養狗心得，仲傾得好開心添。

Mo 仔： 打針前 Dr. Ma 幫我檢查身體，話我 everything ok，體重有 9.15kg。
打完防疫針後，媽媽問醫生，以我八歲嘅年紀，係咪應該要抽血做一個詳細的身體檢查，醫生建議可以做，仲話抽血後大約半小時有報告出。為咗我的健康著想，爸爸媽媽決定要醫生幫我抽血做檢查。

而我個"騰雞"媽媽，佢一聽到醫生話要剃少少毛先可以幫我抽血，有少少擔心。媽媽，我打針都唔驚，醫生只係幫我剃少少毛抽血之嘛，妳駛咩咁擔心啊！

抽血後，護士將笑口騎騎嘅我交返俾爸爸媽媽。我哋喺診所等咗大約半小時，醫生同爸爸媽媽講解我份報告結果，話我一切正常，我家兩老都放心哂，最緊要健康嘛！