今日早上，天氣較昨早更凍。
2月11日 (7:00am)：氣溫 4.8度，濕度 67%。
2月12日 (7:20am)：氣溫 4.5度，濕度 94%，而且落雨呀！
正所謂：沒有最凍，只有更凍！仲要係濕凍！
Mo 仔：究竟天氣幾時回暖呀？
2014年2月12日 星期三
沒有最凍，只有更凍！
今日早上，天氣較昨早更凍。
2月11日 (7:00am)：氣溫 4.8度，濕度 67%。
2月12日 (7:20am)：氣溫 4.5度，濕度 94%，而且落雨呀！
正所謂：沒有最凍，只有更凍！仲要係濕凍！
Mo 仔：究竟天氣幾時回暖呀？
2014年2月11日 星期二
2014年1月25日 星期六
開心彭福遊
Mo 仔：前陣子天氣凍，最好當然留係屋企痴實爸爸嘅肥脾覺覺豬啦！
難得今日星期六天氣回暖，又有太陽，最佳節目就係去彭福跑跑跑啦！
Mo 仔：彭福大草地，我又嚟喇！
Mo 仔：可能係天氣回暖，而且有少少陽光唔係太曬，所以今早彭福有好多狗狗。為穩陣起見，爸爸話最好都係幫我帶上狗繩。
Mo 仔：今日彭福好熱鬧呀！我遇到唔少 King Charles 朋友仔添！而呢隻兩歲的 Puffy，好有活力好熱情，佢好鍾意自由跑呢！
Mo 仔：呢隻五歲的星星，佢好鍾意趴喺草地上曬太陽，好可愛呀！
Mo 仔：行行吓，聽到有人叫 "Mo 仔, Mo 仔！"。原來係媽媽最早期認識的 blog 友 - 穎媽，佢從遠處見到我就好開心地叫我個名喇！
咁有緣見到穎穎希希，當然要影返張合照啦！
Mo 仔：點解呢張相嘅我 "嘟" 起個咀冇哂笑容？梗係啦，剛才我突然被穎穎小公主"啄"我呀，真係嚇屎我呢！
Mo 仔：雖然被穎穎嚇親，不過我好有 gentleman 風度，之後仲同佢四目交投傾吓計添！
穎穎：兩位媽媽掛住傾計，但到咗中午時份開始曬，我又冇塗防曬，計我話最好躲喺樹底下遮蔭。哈哈，我係咪好叻女呢？
Mo 仔：女仔真係特別姿整，又話怕熱又怕曬。男仔就唔同呢，當然要曬吓太陽啦，好爽呀！
Mo 仔：今日去彭福玩咗差不多有三小時，返屋企要洗白白嚟迎接新一年的馬年！
2014年1月1日 星期三
2013年12月25日 星期三
2013年12月16日 星期一
未到聖誕，我已興奮！
Mo 仔：咦，呢棵聖誕樹咁靚嘅？
Mo 仔：媽媽，呢棵咁靚嘅聖誕樹，係邊個送o架？係咪送俾我o架？
Mo 媽：係 Jack Jack 媽送俾你的聖誕禮物呀！呢棵聖誕樹入面有佢親手整嘅 home-made cookies 俾你食o架！
Mo 仔：Jack Jack 媽，我超鍾意呢份聖誕禮物呀！我仲催媽媽唔好掛住影相，快啲幫我拆開呢份禮物，將你的愛心餅餅俾我食呀！
2013年12月14日 星期六
一年一次打針針
Mo 仔：今日天氣麻麻，但爸爸媽媽朝早就帶我出去，究竟去邊度呢？
啊～ 原來今日唔係去玩，而係去診所打一年一度的預防針。
Mo 仔：雖然去診所，但我都唔驚驚，仲開心到笑騎騎，而且對診所嘅醫生護士，以及候診嘅狗狗兔兔同佢哋嘅主人好熱情添。
等候期間，爸爸媽媽仲同其他主人互相交流養狗心得，仲傾得好開心添。
Mo 仔： 打針前 Dr. Ma 幫我檢查身體，話我 everything ok，體重有 9.15kg。
打完防疫針後，媽媽問醫生，以我八歲嘅年紀，係咪應該要抽血做一個詳細的身體檢查，醫生建議可以做，仲話抽血後大約半小時有報告出。為咗我的健康著想，爸爸媽媽決定要醫生幫我抽血做檢查。
而我個"騰雞"媽媽，佢一聽到醫生話要剃少少毛先可以幫我抽血，有少少擔心。媽媽，我打針都唔驚，醫生只係幫我剃少少毛抽血之嘛，妳駛咩咁擔心啊！
抽血後，護士將笑口騎騎嘅我交返俾爸爸媽媽。我哋喺診所等咗大約半小時，醫生同爸爸媽媽講解我份報告結果，話我一切正常，我家兩老都放心哂，最緊要健康嘛！
訂閱：
文章 (Atom)