秋高氣爽遊彭福

Mo 仔：爸爸媽媽最近工作非常忙碌，都想趁週末留家休息；但佢哋話今日天氣咁爽，簡直係郊遊的好日子，於是佢哋決定今日唔做宅男宅女，一於帶我出去玩吓，齊齊輕鬆吓。

雖然今日都係去彭福玩，不過我唔會覺得厭o架！因為我真係好鍾意跑草地。媽媽仲話呢張相影得我好可愛呢！

Mo 仔：其實彭福真係狗狗的開心樂園，因為有一大片草地，可以俾我哋自由跑。

Mo 仔：跑咗一陣，係時候扮乖乖影吓相喇！

Mo 仔：涼風吹送，爽呀！

Mo 仔：媽媽話我個樣駛唔駛咁冧呀？哈哈！

Mo 仔：今日彭福的大部份草地，都唔係咁綠咁密咁有彈性，唔知係咪因為要換草地呢？

Mo 仔：不過唔緊要，對我嚟講，最緊要有得在草地上自由跑。

Mo 仔：爸爸見到我喺呢片綠色草地跑得特別開心，所以佢哋就幫我狂影相。

Mo 仔：爸爸話今日我好痴到媽媽喎！嘻嘻，計我話佢呷醋就真！

Mo 仔：玩咗咁耐，要唞一唞先得。

Mo 仔：媽媽話呢張相的我，好 bb 樣好得意啊！

Mo 仔：去到中午時份開始曬，所以我都係選擇趴喺草地休息吓！

Mo 仔：而家開始有啲熱，不過如果有杯冰凍的飲品，再加上美味的小食，咁就係 very good 喇！

Mo 仔：嘻嘻，睇到我呢個開心的表情，就知道我好滿意今日的節目啦！

我愛曬太陽

Mo 仔：呢個週六週日的天氣較為涼快，而且太陽伯伯好勤力，所以我都要出嚟曬太陽，吸收多啲陽光，狗狗都醒神啲！

Mo 仔：其實我好鍾意曬太陽o架...... 雖然曬到我要瞇起雙眼。

Mo 仔：嘻嘻，擺個正面甫士，影張靚相先！

Mo 仔：又到咗賞花花的時間喇！

Mo 仔：天氣咁正，啲花花又咁靚，如果有美味的小食，咁就更加好喇！

Mo 仔：曬曬太陽吸收正能量，狗狗都開心好多o架！

我們一起八年喇!

感謝八年前的今天，讓我與 Mo 仔有緣地遇上。

當日我們相遇的情景，至今我仍記憶猶新。

這八年的時間過得真快，

儘管 Mo 仔你面上的白毛毛也漸漸多了，

但你那調皮愛玩的性格從沒改變。

在我和爸爸的心目中，

你仍是一個開朗，愛笑愛撒嬌的小朋友，

將無限的歡樂和愛意帶給這個家。

Mo 仔，我的心肝寶貝，

有著你成為我家的一份子，

確實是我和爸爸的福份。

爸爸媽媽繼續將最好的給你，

令你每一天都過得健康幸福開心，

天天都吃得玩得睡得。

往後的每一年，

Mo 仔你要繼續和我們健康快樂地一起過呀！

我超級鍾意的相片 - 粉紅腳板仔 + 傻更更的樣子，超可愛呀！

Mo 仔，就是你那對迷人的眼神，成功地俘虜媽媽的心。

雖然已經八歲了，但 Mo 仔依然是一個愛玩愛吃，經常開心笑的小狗仔。

狗仔變鴨仔?

Mo 仔：我本身就係一隻狗仔，點解無嗱嗱會變成一隻鴨仔o架？你睇我個樣係幾咁無奈！



















Mo 仔：不過媽媽見到我呢個樣，笑哂口話我好得意好可愛喎！







































Mo 仔：媽媽，你唔好再影我相啦！話哂我係一隻可愛的狗仔，仲咩攪到我變鴨仔o架？



















其實狗狗搭船必須戴上口罩。而上星期去彭福公園後搭船返屋企，Jack 媽介紹呢款鴨咀口罩俾我。

Mo 仔：當我試戴呢個口罩後，引起不少旁人的目光，更有途人更走近啲望清楚我呢個鴨仔樣，仲話我好得意添！



Mo 仔：媽媽話我呢個鴨仔樣好可愛好搞笑，即刻話要買一個俾我用。我心諗，好彩只係搭船時要變成醜小鴨啫！

Mo 爸的生日

今年全球最強颱風 "天兔" 撲向香港，天文台於昨日 (9月22日) 黃昏時份懸掛八號風球。
初時我想... 今年 Mo 爸的生日，會否變成 "天兔賀 Mo 爸生日"，弄得我們不可以出街食飯慶祝呢？


今早， "天兔" 這個強颱風已經逐漸遠離香港，天文台於今早上九時多改發三號風球，並於早上十時多取消所有熱帶氣旋警告，所以打工仔的我們要照常上班了。


我這個不懂什麼浪漫的妻子，今年沒有為 Mo 爸安排什麼特別的生日節目，只是在放工後和 他去又一城食餐好豐富的生日飯。


除了以下的意粉和豬頸肉，我們還點了 pizza，春卷和串燒。但我們只顧食，忘了影相啊！哈哈！

當然要叫一個蛋糕仔為壽星佬賀生日啦！


















＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

反而，Mo 爸很花心思去慶祝我於 9月9日的生日啊！他特別為我安排一個浪漫的生日晚餐，還送給我一份好有心思的叮噹禮物。

嘻嘻～ 美食當前，我只顧食又食，忘記拍下美味多汁的牛扒啊！

食飽飽後，侍應突然送上這個蛋糕給我，我當堂好 surprise 呀！

追月日，去彭福。

昨日 (9月20日) 係一連三日中秋節假期的第一天，即係追月日，我相約 Jack Jack 大佬齊齊去彭福公園玩。

Mo 仔：我同 Jack Jack 去到彭福跑咗一陣，之後有專人服侍按摩，正呀！

Mo 仔：媽媽仲話前幾日開始有啲秋意，所以提議帶我去彭福玩。不過今日天氣有啲翳焗，又冇咩風，好熱呀，搞到我冇得盡情跑！

Jack Jack：今日天氣又真係有啲翳熱，可能係因為超強颱風 "天兔" 就嚟吹到香港，所以影響到天氣又焗又冇風。

(右) Mo 仔：好彩搵到個樹蔭位唞唞休息吓，爽呀！

(左) Jack Jack + (右) Mo 仔：我哋兩兄弟齊齊趴喺草地休息傾吓計，真係好開心呀！

Mo 仔：今日天氣咁熱，等我試吓喺櫈底會唔會涼爽啲先？

(左) Jack Jack + (右) Mo 仔：兩兄弟喺櫈底手拖手談心，係咪好 sweet 呢？

(左) Jack Jack + (右) Mo 仔：齊齊影張合照先！

Mo 仔：媽媽話我今日好癡 Jack Jack，仲話我成日含情脈脈望住 Jack Jack 喎！ 唔信？媽媽話有相為証啊！

(前) Mo 仔：我哋兩兄弟真係心有靈犀，同時間流露出開心到瞇眼的表情呢！

(左) Mo 仔：哈哈，仲心有靈犀到呢...... 一個向左趴，一個向右趴。

Mo 仔：媽媽話我呢個樣好古惑喎！

Mo 仔：梗係啦，我想撒嬌，要爸爸抱抱嘛！嘻嘻！

Mo 仔：見到一班哥基新朋友仔，大家打個招呼先。

(左) Jack Jack + (右) Mo 仔：我哋兩兄弟認識到新朋友仔，好開心呀！

(右) Mo 仔：嘻嘻，而我仲更加老實不客氣，走去飲人哋啲水。

(右) Mo 仔：俗話說 "隔離飯香"，計我話："隔離水好飲啲！" 哈哈～

(左) Jack Jack + (右) Mo 仔：在彭福玩咗一個多小時，差不多係時間返屋企洗白白喇！