今日係我 Mo 仔的九歲生日，又大一歲喇！
我真係好開心呀！因為媽媽特別替我訂做一個好得意的生日蛋糕來慶祝我生日。
爸爸媽媽話，最緊要係我要健健康康，開開心心，日日都食得瞓得玩得。
Mo 仔：嘻嘻，我要同呢個咁靚咁得意的蛋糕影張相。
Mo 仔：咦～ 睇真啲，蛋糕上的狗狗公仔咁似我嘅？
Mo 仔：蛋糕唔單止有個好似我的狗狗公仔，仲有媽媽好鍾意的叮噹公仔添！呢個生日蛋糕咁靚，一定好好味的。嘻嘻！
2014年8月1日 星期五
2014年7月6日 星期日
忽然變單眼仔~
Mo 仔：今日早上起身時，媽媽發現我的右眼經常眨眨吓，有時仲擘唔大，而且仲有啲紅筋。佢呢位緊張大師就即刻打電話去獸醫，睇吓今日可唔可以約見醫生。好彩 book 到位，所以爸爸媽媽食完早餐就帶我去睇醫生喇！
由於今日係星期日，所以診所內特別多人啊！未見醫生前，姑娘先幫我磅一磅重...... 噢，又輕咗少少，有 8.2kg。
等咗差不多一小時後，我終於可以見 Dr. Ma 喇！首先媽媽將今朝早我的單眼仔相片俾醫生睇，並講解番最近我的生活情況；之後醫生滴顯影劑來檢查我的雙眼，再滴多一支藥水來檢查我的右眼眼角膜。經過檢查後，醫生話我右眼的眼角膜沒有問題，但右眼受到細菌感染，患了結膜炎，只要這五天定時食藥和滴眼藥水，同埋要帶住喇叭罩以防我捽眼仔，就會好快好番喇！
因為我眼仔唔舒服，Dr. Ma 千叮萬囑我呢兩個星期唔好去游水住，而我媽媽仲話呢一星期唔俾我去街街啊！咁我唯有乖乖地留喺屋企涼冷氣休息啦！
2014年6月28日 星期六
2014年5月31日 星期六
2014年下水禮
俗語話："未食五月糭，寒衣未入籠"。雖然仲有兩日先到端午節，但呢個星期又熱又曬，天文台差不多日日都發出酷熱天氣警告，今年的夏天好似來得特別早啊！
既然冇落雨，又咁好天氣，對於我呢個飛魚小王子 Mo 仔嚟講,夏天的最佳活動當然係游水啦！
趁今日星期六天氣咁好，爸爸媽媽一早就帶我去沙灘來個 2014年下水禮，順便叫我游龍舟水。Yeah！
Mo 仔：今日天氣真係好，早上唔算太熱，仲見到藍天白雲呀！
Mo 仔：見到我開心到瞇哂眼，就知道我幾咁鍾意游水啦！哈哈！
Mo 仔：今日啲水質唔錯，但好多垃圾飄浮呢！我真係希望人人都愛護海港，唔好亂拋垃圾。
Mo 仔：哈哈，飛魚小王子嚟喇！
Mo 仔：爸爸媽媽讚我今日表現唔錯，游到咁上下識得游返上岸休息吓。
Mo 仔：啲水咁清涼，等我唞一唞浸浸腳。
Mo 仔：浸浸腳，真係透心涼！
Mo 仔：媽媽話我呢張相好搞笑，話我個樣好似 snoopy 喎！哈哈！
Mo 仔：今日我游得好開心呀！希望呢個夏天見太陽伯伯多啲，咁我就可以去游水啦！
2014年5月24日 星期六
2014年5月20日 星期二
2014520 愛你一世我愛你
話說昨晚我和好友飯聚，家中的小寶貝痴痴地等我回家，好窩心啊！
今晚爸爸遲回家，阿仔反而冇等佢，仲走入房涼冷氣。
嘩哈哈～ Mo 仔真係好愛我呀！所以我夜返佢點都要等我啊！
藉 著今日 2014520，我要說：" Mo 仔， I love you so much！"
Mo 仔：點解媽媽仲未返屋企嘅？
痴痴地等媽媽的傻 Mo 仔。
2014年5月1日 星期四
覆診
今日係勞動節，但係我 Mo 仔冇出街勞動，反而去診所睇醫生啊！
點解？因為上星期我眼仔唔舒服睇醫生，今日要覆診。
去到診所姑娘先幫我磅一磅，今次 8.80kg 輕咗少少，之後等一陣就可以見醫生喇！
Dr. Ma 首先問一問爸媽，自從上星期我食藥後眼仔的情況；然後佢先幫我檢查心臟和牙仔，everything ok！
之後醫生檢查我的眼仔。當佢喺我的右眼滴顯影劑時，我好淡定咁俾佢滴藥水，所以佢勁讚我好乖乖啊！（其實爸爸媽媽心裡暗笑，因為我平時坐唔定呢！）
Dr. Ma 檢查後，話我右眼冇事喇！Yeah！爸爸媽媽都放心哂！
但我的皮膚有少少酵母菌，醫生話要食藥和食 omega-3 來改善皮膚，仲要用含有蘆薈成份的 shampoo 沖涼，令皮膚唔好再發霉。
Mo 仔：醫生讚我乖乖，睇吓我個樣幾咁得戚！哈哈！
Mo 仔：眼仔冇事，爸爸媽媽都放心哂！ Yeah！
Mo 仔：呢隻青蛙公仔咁得意，我都要同佢影張相先得！
訂閱：
文章 (Atom)