Mo 爸的生日

今年全球最強颱風 "天兔" 撲向香港，天文台於昨日 (9月22日) 黃昏時份懸掛八號風球。
初時我想... 今年 Mo 爸的生日，會否變成 "天兔賀 Mo 爸生日"，弄得我們不可以出街食飯慶祝呢？


今早， "天兔" 這個強颱風已經逐漸遠離香港，天文台於今早上九時多改發三號風球，並於早上十時多取消所有熱帶氣旋警告，所以打工仔的我們要照常上班了。


我這個不懂什麼浪漫的妻子，今年沒有為 Mo 爸安排什麼特別的生日節目，只是在放工後和 他去又一城食餐好豐富的生日飯。


除了以下的意粉和豬頸肉，我們還點了 pizza，春卷和串燒。但我們只顧食，忘了影相啊！哈哈！

當然要叫一個蛋糕仔為壽星佬賀生日啦！


















＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

反而，Mo 爸很花心思去慶祝我於 9月9日的生日啊！他特別為我安排一個浪漫的生日晚餐，還送給我一份好有心思的叮噹禮物。

嘻嘻～ 美食當前，我只顧食又食，忘記拍下美味多汁的牛扒啊！

食飽飽後，侍應突然送上這個蛋糕給我，我當堂好 surprise 呀！

追月日，去彭福。

昨日 (9月20日) 係一連三日中秋節假期的第一天，即係追月日，我相約 Jack Jack 大佬齊齊去彭福公園玩。

Mo 仔：我同 Jack Jack 去到彭福跑咗一陣，之後有專人服侍按摩，正呀！

Mo 仔：媽媽仲話前幾日開始有啲秋意，所以提議帶我去彭福玩。不過今日天氣有啲翳焗，又冇咩風，好熱呀，搞到我冇得盡情跑！

Jack Jack：今日天氣又真係有啲翳熱，可能係因為超強颱風 "天兔" 就嚟吹到香港，所以影響到天氣又焗又冇風。

(右) Mo 仔：好彩搵到個樹蔭位唞唞休息吓，爽呀！

(左) Jack Jack + (右) Mo 仔：我哋兩兄弟齊齊趴喺草地休息傾吓計，真係好開心呀！

Mo 仔：今日天氣咁熱，等我試吓喺櫈底會唔會涼爽啲先？

(左) Jack Jack + (右) Mo 仔：兩兄弟喺櫈底手拖手談心，係咪好 sweet 呢？

(左) Jack Jack + (右) Mo 仔：齊齊影張合照先！

Mo 仔：媽媽話我今日好癡 Jack Jack，仲話我成日含情脈脈望住 Jack Jack 喎！ 唔信？媽媽話有相為証啊！

(前) Mo 仔：我哋兩兄弟真係心有靈犀，同時間流露出開心到瞇眼的表情呢！

(左) Mo 仔：哈哈，仲心有靈犀到呢...... 一個向左趴，一個向右趴。

Mo 仔：媽媽話我呢個樣好古惑喎！

Mo 仔：梗係啦，我想撒嬌，要爸爸抱抱嘛！嘻嘻！

Mo 仔：見到一班哥基新朋友仔，大家打個招呼先。

(左) Jack Jack + (右) Mo 仔：我哋兩兄弟認識到新朋友仔，好開心呀！

(右) Mo 仔：嘻嘻，而我仲更加老實不客氣，走去飲人哋啲水。

(右) Mo 仔：俗話說 "隔離飯香"，計我話："隔離水好飲啲！" 哈哈～

(左) Jack Jack + (右) Mo 仔：在彭福玩咗一個多小時，差不多係時間返屋企洗白白喇！

搬新 blog 了！

前陣子收到通知，Yahoo blog 將於今年年底不再提供服務了，心裡難免有些失落和無奈。


從 2006 年開始寫 Yahoo blog 到現在，不經不覺已經寫了七年。在這七年期間，不但為 Mo 仔記錄成長路上的一點一滴，留下不少開心難忘的回憶，而且更認識到一班愛狗的 blog 友，得到不少鼓勵和支持。


寫 blog 和巡 blog，已經成為我生活上的其中一個習慣了。


我這個 "大頭蝦"，有時會忘記一些事情，而藉著寫 blog 來記載住 Mo 仔 Family 生活上的點滴回憶；空閒時當我細味以往的 blog 時，覺得好開心好好笑呢！


由於 Yahoo blog 快要關門大吉，所以我的 blog 也要搬家了，搬到 blogspot 這裡，繼續為 Mo 仔 Family 記載更多的生活點滴。


畢竟在 Yahoo Blog 寫了七年，現在要搬到 blogspot 這個新家，真的需要時間適應，慢慢習慣，希望大家 blog 友多多指教。