開心 Mo 仔 Family

2014年5月20日星期二

2014520 愛你一世我愛你

話說昨晚我和好友飯聚，家中的小寶貝痴痴地等我回家，好窩心啊！
今晚爸爸遲回家，阿仔反而冇等佢，仲走入房涼冷氣。

嘩哈哈～ Mo 仔真係好愛我呀！所以我夜返佢點都要等我啊！

藉著今日 2014520，我要說：" Mo 仔， I love you so much！"

Mo 仔：點解媽媽仲未返屋企嘅？

痴痴地等媽媽的傻 Mo 仔。

2014年5月1日星期四

今日係勞動節，但係我 Mo 仔冇出街勞動，反而去診所睇醫生啊！
點解？因為上星期我眼仔唔舒服睇醫生，今日要覆診。

去到診所姑娘先幫我磅一磅，今次 8.80kg 輕咗少少，之後等一陣就可以見醫生喇！
Dr. Ma 首先問一問爸媽，自從上星期我食藥後眼仔的情況；然後佢先幫我檢查心臟和牙仔，everything ok！

之後醫生檢查我的眼仔。當佢喺我的右眼滴顯影劑時，我好淡定咁俾佢滴藥水，所以佢勁讚我好乖乖啊！（其實爸爸媽媽心裡暗笑，因為我平時坐唔定呢！）

Dr. Ma 檢查後，話我右眼冇事喇！Yeah！爸爸媽媽都放心哂！
但我的皮膚有少少酵母菌，醫生話要食藥和食 omega-3 來改善皮膚，仲要用含有蘆薈成份的 shampoo 沖涼，令皮膚唔好再發霉。

Mo 仔：醫生讚我乖乖，睇吓我個樣幾咁得戚！哈哈！

Mo 仔：眼仔冇事，爸爸媽媽都放心哂！ Yeah！

Mo 仔：呢隻青蛙公仔咁得意，我都要同佢影張相先得！

2014年4月24日星期四

睇醫生

Mo 仔：前幾日開始，我的右眼有時擘唔大，仲有時眨眨吓。

前晚爸爸媽媽見我的右眼情況嚴重咗，眼睛唔單止發紅，仲成日睜不開，淚水和分泌物多咗，而且我仲成日手痕想捽隻眼。我家兩老見我隻右眼又紅又眼矇矇又睜唔大，佢哋好擔心，於是即刻 book 咗今日帶我去見 Dr. Ma。

雖然今日診所內有好多人，登記後姑娘幫我磅重 (9kg)，之後好彩唔駛等好耐就可以見醫生喇！

媽媽首先將呢兩日我眼睛有異樣的相片俾 Dr. Ma 睇，之後 Dr. Ma 滴顯影劑來檢查我的雙眼。經過佢檢查後，佢話我隻右眼受到細菌感染，患了結膜炎，所以呢七日要滴眼藥水，食抗生素藥來治療，一星期後再去覆診。

醫生仲話我呢個星期要長期帶喇叭罩，而且唔可以落街街，要乖乖地食藥和休息啊！
好啦，我要健康，我要多啲休息！

2014年4月19日星期六

萌樣 Mo 仔

今晚媽媽無聊影，點知影到我呢個萌樣。

佢話我 bling bling 眼，成個女仔咁！哈哈！

2014年4月12日星期六

輕鬆彭福遊

今日係星期六，爸爸媽媽見太陽伯伯出來了，於是即興地帶我去彭福玩。Yeah！

Mo 仔：雖然天空唔係十分藍，但樹木就好翠綠好靚。

Mo 仔：今日彭福的草地特別翠綠，特別彈。我真係開心到呢...... 跑到彈彈吓！

Mo 仔：好大片綠油油的草地，我同媽媽好似包場去玩咁！哈哈！

Mo 仔：不過，唔知係咪仲有少少潮濕，抑或係我年紀開始大，唔適合跑得太多，所以今日我跑咗兩三回，都係跟爸爸慢慢行，享受吓陽光與草地！

Mo 仔：玩到攰有爸爸抱抱，真係好爽呀！

2014年4月6日星期日

煥然一新！

呢兩個星期成日都落雨，天文台仲喺上星期日發出今年首個黑色暴雨信號。
而昨日星期六，久違了的陽光終於出嚟喇，大人小朋友的心情當堂都靚哂，而我當然有出去行吓曬吓太陽啦！

昨日咁好陽光天氣又咁乾爽，估唔到今日星期日就天陰陰，仲落雨添，搞到我冇街去。
爸爸話既然喺屋企無聊冇嘢做，就不如幫我剪個靚仔裝迎春天喎！

嘻嘻，剪完個靚髮，成身輕哂爽哂，我仲招積到行到扭扭吓添！